近日，张敬轩（轩仔）同王菀之一连举行四场演唱会，两人喺台上老友鬼鬼嘅真摰互动，令大班歌迷十分感动。日前，有网民撰「潮文」歌颂两人嘅深厚友情，一篇以「谢谢你，这辈子做了我的张敬轩/谢谢妳，今生当了我的王菀之」为题嘅文章，获得网民一致激讚，当中提及咗轩仔同王菀之不能成为情侣嘅无奈：「别人都说你们很登对，你们亲密到很应该要在一起，可是你们都只会笑笑而已。」

张敬轩同王菀之喺个唱上嘅真摰互动，令歌迷十分感动。

噚日，王菀之亲自于社交网站发文回应「潮文」，佢贴出一张同轩仔嘅合照，大讚轩仔係自己嘅灵魂伴侣：「我何尝不是一样，一直站在我身边的，不是朋友、不是情侣，是亲人，是灵魂伴侣。力量全由对方而来，一个眼神、手握紧一点，呼吸节奏相同。」王菀之话同轩仔嘅默契係与生俱来，係一齐经历岁月累积，仲话学习提升、好好保护呢份友情，係佢哋一世嘅课题。

王菀之坦言视张敬轩为自己嘅灵魂伴侣。