早前，「第89届奥斯卡颁奖礼」发生史无前例虾碌事件，压轴颁发最佳电影时，错误将《月亮喜欢蓝》嘅奖项，颁畀《星声梦里人》，连累宣布赛果嘅老牌男星华伦比堤同女星菲丹娜慧成为众矢之的。其后事件真相大白，原来係负责保管信封嘅「罗兵咸永道会计师事务所」会计师Brian Cullinan，喺后台派错信封畀华伦比堤，之后仲爆出Brian喺工作期间不断同明星合照，疑似疏忽职守。

奥斯卡将永远免除Brian Cullinan（右）嘅职务。

噚日，奥斯卡大会宣布将永远免除Brian 同佢拍档Martha Ruiz 嘅职务，而佢哋隶属嘅「罗兵咸永道会计师事务所」，同奥斯卡83年嘅合作关係亦被「重新审核」。会计师楼主席Tim Ryan 指Brian对错误感到十分自责，佢话：「他觉得整件事太差劲、太可怕，他对这个过失感到非常懊恼。虽然我都担心，但希望大家看到我们处理这件事时的反应如何迅速。」

Brian Cullinan喺颁发奖项前一刻，上载影后爱玛史东嘅照片呃Like。