人称「旦哥」嘅着名主持人郑丹瑞，近年最为人熟悉嘅节目就係TVB嘅《你健康吗？》，呢个系列仲一再添食到第四辑。不过，旦哥去年8月约满TVB后，忙于拍电影同音乐剧。正当观众以为冇机会再喺TVB见到旦哥时，原来佢又有新节目要出街。今次旦哥会同乐坛天后郑秀文（Sammi）合作访谈节目《心情约会》，一连六集访问过去曾患过情绪病嘅艺人。

郑秀文相隔四年再度主持节目，令不少粉丝相当期待。

早前，旦哥于微博贴出同Sammi嘅合照漏口风，佢话：「终于有机会同Sammi合作一个非常有意义的节目，所以笑到见牙唔见眼！」其实Sammi 过往都有喺TVB主持节目，不过就以音乐节目居多。今次相隔四年再度主持访谈节目，仲係关于情绪病嘅话题，相信Sammi会再讲到佢过去患抑郁症嘅心路历程，以亲身经历鼓励情绪病人走出阴霾。

郑丹瑞于微博贴出同郑秀文嘅合照漏口风。