今年年初，刘德华（华仔）于泰国拍摄广告时意外堕马受伤，住院治疗近两个月后已出院回家休养。噚日，华仔经理人公司发表声明，宣布华仔原定于年尾举行嘅个唱取消，并解释：「刘德华先生目前进入康复阶段，根据医疗团队的建议，未来一年是非常重要的阶段，所以决定取消年尾的演唱会。至于未来工作项目计划，将依康复进度及医生指示再作安排。」

随后，华仔亦于官网发表公开信，佢以「亲爱的，不急」为题，透露每日都会练习企起身同行路，就算只係得十次，每次练习只有十分钟，但对佢嚟讲都係好重要。对于取消年尾嘅个唱，华仔安抚粉丝话：「我不急，家人不急，所有人不急，面向健康的目标，我眼神是坚定的。」其实华仔受伤之初，曾十分坚持年底嘅个唱如期举行，最终做出呢个决定，相信係华仔经过深思熟虑嘅结果。