日前，台湾天王周杰伦（周董）喺英国伦敦开唱，吸引大批当地歌迷前往朝圣，大肚嘅昆凌亦有到场支持老公。当晚，周董演唱歌曲〈稻香〉时，全城观众跟住一齐大合唱，现场气氛十分感人。演唱会结束后，有粉丝喺社交网站贴出一张周董开唱时影嘅相，由于角度问题，睇落好似周董着热裤大晒美腿，搞到唔少网民疯传！

周杰伦首度喺英国伦敦开唱，吸引大批当地歌迷前往朝圣。

出道17年嘅周董，首度喺伦敦开演唱会，佢喺Facebook发文话：「听场馆的人说售票速度赢过所有老外歌手，只能说这让我这爱面子的歌手，的确心里蛮幸福的，谢谢你们的热情啦。」其后，周董就发现有网民贴咗一张佢演出时嘅相，刚好周董上半身同女Dancer下半身「无缝接轨」，令大家产生错觉。周董就话：「以为歌迷帮我合成的照片，笑死我！」

由于角度问题，睇落好似周董着热裤大晒美腿。