日前，现年36岁嘅锺欣潼（阿娇），惊传搭上内地富二代秦奋。其实两人去年7月已传过绯闻，当时阿娇喺微博贴出两人嘅合照，祝对方生日快乐。随后即疯传两人拍拖，但当时阿娇极力否认恋情，佢话：「你们可以去当编剧去了，那我以后甚么都不发好了。」不过，日前阿娇又被拍到陪秦奋打波，全程犹如小粉丝做拉拉队打气，两人不时眉来眼去，令绯闻再度被翻炒。

锺欣潼被爆搭上内地富二代秦奋，引嚟网民热烈讨论。

秦奋係内地名门之后，曾因喺上海撞毁价值澳门币2,000万嘅法拉利跑车而闻名。佢除咗同内地女星贾青传过绯闻，同内地网上红人「喜哥」嘅恋情似乎最着迹。早前，喜哥就喺Instagram贴出被秦奋锡额头嘅相放闪。阿娇被爆搭上秦奋后， 有网民喺微博问喜哥：「你和秦奋分手了？」喜哥直接回应：「我们很好，谢谢关心！」有粉丝送上祝福，佢亦回复：「谢谢，我很幸福。」明显係要宣示主权，咁阿娇呢？