曾多次与女儿吴卓林争吵，而惊动警方嘅吴绮莉，日前又因涉嫌刑事恐吓，被警芳拘捕。噚日，吴绮莉驾车返回大坑寓所，佢落车后接受记者访问，首度公开回应事件。吴绮莉表示今次係家庭问题，而且只係小事：「情况都係一般屋企咁，爸爸、妈妈、小朋友讲嘢语气重咗，要解决，无话嬲唔嬲。」

吴绮莉驾车返回大坑寓所，接受记者访问。

问到女儿吴卓林现在身在何处？吴绮莉就话佢喺安全地方。问到女儿会唔会返屋企？吴绮莉答：「会，实会，屋企嚟㗎嘛！」佢又话：「两母女无话原唔原谅，一家人。唔好意思，因为我做呢行，呢件事喺一般家庭嚟讲唔係咩大件事，尽量会妥善处理。」至于成龙日前出席公开活动时，就急急脚避开记者，睇嚟唔想就呢件事作出回应。

吴绮莉同吴卓林吵架期间，有人出言恐吓：「你唔死，我死！」