今年1月，刘德华（华仔）于泰国拍摄广告期间，不慎堕马受伤，导致盆骨多处骨折。留院治疗一个多月后，早前华仔于官网报喜，话盆骨骨折癒合情况理想，终于可以出院，目前留在家中休养。噚日，有消息话华仔拍广告出事后，广告商有意将呢个广告抽起唔播。不过，华仔唔想广告商有损失，坚持广告喺本月月尾如期出街。

据了解，呢个广告华仔已经拍咗一半，目前谂紧用替身埋尾，定係剪辑一个全新版本，但广告一定要华仔睇过先出街。此外，华仔主演嘅新戏《拆弹专家》原本定于下月28日开画，但华仔受伤后电影公司有意延迟上映，不过华仔反对，之后佢会亲自为电影拍摄宣传片。至于年尾一连20场嘅跨年演唱会，由于唔想令歌迷失望，华仔亦会如期照做。

刘德华反对新戏延迟上映，嚟紧佢会为电影拍摄宣传片。