英国女星「妙丽」爱玛屈臣（Emma Watson）最近忙于为新戏《美女与野兽》四出宣传。不过人红是非多，继早前为杂誌《Vanity Fair》拍摄性感照被轰係「伪君子」后，爱玛屈臣又被捲入荷里活嘅「艳照」事件。噚日，有传佢电脑遭黑客入侵，多张性感及裸照被盗，更被上传到网上。对此，爱玛屈臣发表声明否认有影过裸照，仲话会採取法律行动维护权益。

事实上，爱玛屈臣并非首次成为黑客目标，早喺2015年，佢以联合国女性大使身份发表平权演讲后，就曾有黑客放话要散播佢嘅裸照，当时爱玛屈臣话黑客所讲嘅照片根本唔存在。而今次流出嘅照中，多张疑似爱玛屈臣着住比坚尼嘅性感照，同一段见唔到样嘅全裸浸浴片。网站Celeb Jihad将照片刊登，并将爱玛屈臣同出浴女子作比照，认为片中女子胸下有墨、所带嘅颈链及下巴都同爱玛屈臣十分相似。