郭富城以车队经理身份带领「富盛车队」，去到珠海出席发布会，佢仲宣布车队会出战极速先锋系列赛，之后佢联同首席车手OlivierLombard，一齐为新型号赛车揭幕。郭富城话成立车队一直係自己梦想，但车队需要好大投资，佢就讲笑话将自己整个人都投资落去。作为老闆，郭富城会亲自选拔车手，但碍于要拍戏，未知届时能否落场。

讲到同女朋友嘅情况，郭富城话同方媛好事将近，所有事都计划中。问到妈妈同女友方媛有冇担心佢赛车？郭富城话：「跑道比马路更安全，永远唔会有对头车同醉驾，佢又话会做足安全措施。」至于几时好事近？郭富城话：「其实『富盛』正係纪念亡父曾开设嘅金舖，呢个字，有传承之意。（喻意开枝散叶？）可孕育年轻车手。（个人想唔想开枝散叶？）呢个好重要，亦有计划中。」