英国「万人迷」碧咸（DavidBeckham），日前于网上贴出一张侧面嘅大特写照片，并发文话：「开工难熬的一日。」相中碧咸脸上满布疤痕，个鼻又肿又红之余，棚牙又黄又有渍，造型相当呕心，同佢以往嘅靓仔样简直係天壤之别！见到偶像「破相」，唔少粉丝都留言问佢发生咩事？更有网民搞笑问碧咸係咪激嬲咗老婆Victoria先搞成咁？

原来碧咸係为咗拍摄导演好友佳烈治（Guy Ritchie）执导嘅新戏《神剑亚瑟王》，佢为饰演骑士「Blacklegleader」一角， 而化上惊吓嘅特技妆。不过碧咸今次只係客串演出，一共有13句对白。虽然戏分唔多，但碧咸喺拍摄前都做足準备功夫，每日花一小时嚟彩排，片中仲有祖狄罗（Jude Law）及Charlie Hunnam参演。电影将于今年5月上映，届时观众要落足眼力睇碧咸几时现身喇。