近日，谢霆锋于美食节目《12道锋味》中嘅爆趣画面被网民翻炒，其中一招以超Chok姿态揈香蕉嘅画面，引嚟网民热烈讨论。日前，霆锋于facebook上载一段影片，拆解揈蕉之谜。喺影片中，霆锋同爸爸谢贤喺国外旅行，两人喺落住大雪嘅街头分享「揈蕉秘技」。先係霆锋拎出一束香蕉，然后戴住黑超嘅爸爸谢贤出场，原来呢个方法係谢贤用嚟逗小时候霆锋两兄妹开心嘅招式。

谢霆锋于《12道锋味》中嘅爆趣画面被网民翻炒。

霆锋问爸爸係咪重记得方法，虽然谢贤忘记咗，但技痒嘅佢仍即场表演。然后霆锋解构揈蕉窍门，佢话：「将两只蕉放喺腰到扮西部牛仔，然后拎住个椗位一Fing。」霆锋话小时候睇得多爸爸嘅揈蕉法，强调对方呢个动作真係非常有型。除了Chok爆嘅揈蕉法，霆锋重即场请教爸爸其他绝技，原来重有开合桃、剥椰青嘅技巧，霆锋承诺日后一定叫爸爸表演畀大家睇。

谢霆锋同爸爸谢贤喺落住大雪嘅街头，分享「揈蕉秘技」。