日前，方力申（小方）同锺欣潼（阿娇）一齐出席公开活动，呢对绯闻旧爱罕有同台亮相，阿娇话有同对方打招呼。问阿娇有冇关心小方同邓丽欣分手？佢话：「呢件事都好耐喇！佢应该冇事。」讲到两人都恢复单身，会否考虑再续前缘？阿娇话：「乜嘢呀？我同佢都冇一齐过。」对于被爆搭上内地富二代秦奋，阿娇强调同对方只係朋友：「我知佢有女朋友，之前回应咗喇。」

锺欣潼否认搭上内地富二代，强调同对方只係朋友。

至于小方亦被问到会唔会搵阿娇一齐做运动？佢话：「我而家身家咁清白，都被人写咁多绯闻，有成五个绯闻女友。」对于阿娇否认同佢拍过拖，小方话咁耐嘅绯闻唔想再拎出嚟讲：「都十几年前喇！你有你讲，我有我讲。」讲到两人都係单身，阿娇又符合其「靓女」嘅择偶条件，问两人会唔会有机会发展？小方话：「条件呢啲嘢可以转，而家我要清静，要六旧腹肌。」

方力申同绯闻旧爱锺欣潼罕有同台，佢话有同对方打招呼。