刚刚踏入49岁生日嘅英国男星丹尼尔基格（DanielCraig），一直係占士邦系列电影嘅主角人选。可惜佢2015年拍完《007：鬼影帝国》后，曾多次放风话唔想再演占士邦，令电影公司及导演一度要另觅人选，但始终都係搵唔到合适嘅新任占士邦。日前，有消息话丹尼尔基格受银弹攻势打动，睇钱份上，会再接演两部007系列电影。

据外国媒体报道， 电影公司以1.5亿美元（约澳门币12亿）片酬，成功利诱丹尼尔基格再演出两部续集，目前双方已进入签约阶段。至于一度被指係新任占士邦大热嘅英国男星汤赫度斯顿（TomHiddleston），就被电影监製BarbaraBroccoli认为其形象唔够强悍，有欠稳重。而汤赫度斯顿同旧爱TaylorSwift嘅恋情太过高调，都係被Out主因，令佢同占士邦一再擦肩而过。