吴林峰、P1X3L成员叶振弘（Marco）及胡希文（YoYo）日前为11月24日起公演的舞台剧《小尘大事2023我也流泪的》綵排，众人虽第一次合作但默契十足。首次演出舞台剧的Marco就话未背熟台词，要从众演员身上偷师：「其实做舞台剧对我嚟讲係新嘅课题，我收到剧本时都好担心，因为舞台剧冇得NG，而且我记对白又比较弱嘅，点知YoYo几页台词一晚就背好晒，搞到自己都有压力。」而Marco同吴林峰同属歌手，佢都话趁机向对方自荐：「因为我都好想唱吴林峰作嘅歌，所以把握机会问佢可唔可以写歌畀自己，刚刚镜头前佢话OK！」吴林峰则笑言冇谂过参演舞台剧，他指答应演出是「纯粹误会」：「我以为监製搵我做音乐同Band，所以咪话好啦，点知要我演出做角色，搞到好奇怪咁，因为平时我MV都好少出镜，依家上到台都唔习惯。剧中我同YoYo要做情侣，监製第一日问我底线去到边，吓到我唔知点算，我要问準女友先知演情侣嘅底线係咩！」吴林峰重大讚Marco声线独特，坦言二人会倾音乐：「虽然大家排剧都好认真，但係休息时我哋都会倾下音乐，我唔係教佢唱歌，只係分享下啲经验交流下。」

（左起）P1X3L成员Marco、胡希文及吴林峰。（相关机构图片）