关心妍（Jade）日前在美国三藩市红木城Fox Theatre举行两场「SHiNE妍亮福音慈善演唱会」，所有盈利将用作帮助残疾孤儿。

Jade一口气唱出20多首歌曲，她向观众表示紧张：「我觉得最难嘅係适应时差，所以都早咗成个星期飞嚟做準备，呢个场地都好有历史，过往都未试过有华人歌手喺度开演唱会，搞到自己都有啲啲紧张。」

这次福音演唱会巡迴，Jade自爆婉拒歌酬为慈善出分力：「歌酬唔係咁紧要嘅，呢个骚目的係帮人，所以今次做善事之余，又可以同移民嘅Fans见面聚旧，见到佢哋一家大细嚟支持，感觉真係好得意！唱唱下我都忍唔住爆喊，喺香港都未试过，成个骚都好有爱。而我哥哥一直都喺芝加哥，今次佢嚟支持我，所以我都叫佢做『芝加阿哥』，佢见惯大场面梗係捉佢上台唱歌。」

Jade笑言早跟囡囡「讲掂数」，承诺下次再邀请她做「嘉宾」：「佢一直都以为我开演唱会就有份上台唱嘛，但係佢要返学同考试，所以就要同爸爸留喺香港，唯有下次佢放假做巡迴带埋佢。而家晚晚都会视像倾下偈嘅，好在心心都大个女，明白妈咪做善事帮人，同埋我出游可以畀机会爸爸同佢独处啦。」

关心妍日前在美国三藩市举行两场慈善演唱会。（相关机构图片）