噚日，林子聪、陈浩民及黄百鸣等出席公开活动，由林子聪执导嘅新戏《喜剧之星》将于今年6月开镜，佢话会邀请陈国坤、林雪等好友合作。问佢点解唔搵一手提携佢嘅周星驰（星爷）？林子聪解释：「要佢肯先得.！之前拍《美人鱼》，有场打开衣柜走出嚟嘅三秒戏分，用咗20日去叫佢演，到拍嗰日戏服都準备埋，但最后佢都係唔肯演。」

林子聪话如果请到周星驰出镜，就算三秒300万片酬都值得，佢话：「我问过佢係咪要史提芬史匹堡、昆顿塔伦天奴呢啲荷里活大导演先可以打动佢？佢又话唔係。」讲到周星驰执导嘅《美人鱼》失落香港「金像奖」最佳导演，林子聪话：「星爷唔喺香港，之前有打电话畀佢，问佢如果真係得奖搵边个去攞？佢话唔知，其实我觉得冇乜所谓。」