内地湖南卫视歌唱比赛节目《歌手2017》将于本周六举行总决赛，香港歌手杜丽莎同侧田都先后被淘汰，天后林忆莲则成功入围，同林志炫、迪玛希、狮子合唱团及李健等人争冠军。近日，张学友于2015年接受电台访问嘅片段，忽然喺网上疯传，访问中佢拒绝参加歌唱比赛节目，学友霸气话：「我唔需要去比，何必要比？仲要去畀嗰啲评判讲，啲评判都唔知识唔识唱歌嘅？」

张学友拒绝参加歌唱比赛节目嘅片段，遭网民翻炒。

《歌手2017》自开播以嚟，节目入面嘅所谓观众评判，一直被网名质疑造假。对此，张学友话唱歌太多计算唔好，佢话：「评判都係人，同我哋一样，要喺好短时间评一首歌，佢都好複杂，有时听得耐想瞓觉㖭！咁如果你突然间影响到佢，佢可能咁样拣你都未定！」唔少网民支持张学友嘅言论，更有人留言表示：「一个看破游戏规则并且霸气拒绝的人，是歌手跟歌神的区别。」

林忆莲成功杀入总决赛，同内地一班歌手争冠军。