黄子华每次开骚搞栋笃笑，都所向披靡，门票通通被秒杀。而由佢主演嘅剧集，收视亦例牌高企。不过，黄子华有份参与嘅电影，票房口碑都麻麻，就连佢自己都自嘲係「票房毒药」。早前，黄子华自编自演新戏《栋笃特工》，虽然对新戏要求尽善尽美，但佢对票房都未敢寄予厚望，开镜时曾自嘲话：「我惯咗冇票房，你问我有冇压力？我一啲压力都冇。」

黄子华自嘲係「票房毒药」，对新戏票房未敢寄予厚望。

为求一雪前耻，黄子华足足花咗一年时间修改剧本，改到第十稿先开镜。除咗邀请佘诗曼演出女主角，黄子华更碌尽人情咭搵嚟大班圈中好友客串演出。日前，黄子华被发现喺一间士多拍摄一场打麻雀嘅戏，有吴君如、郑欣宜、麦玲玲客串做麻雀脚。虽然只係简单客串，但吴君如都好认真同黄子华倾剧本对白，简单一场打麻雀戏，都足足拍咗个几钟。

除咗佘诗曼演出女主角，黄子华更碌尽人情卡搵好友客串演出。