英国「万人迷」碧咸于2003年获英女王颁发官佐勋章荣誉。日前，其爱妻Victoria亦获颁同等嘅荣誉，以表扬佢喺时装界嘅贡献。Victoria同老公、父母一齐去到白金汉宫出席授勋仪式，佢从威廉王子手上领过官佐勋章。事后，Victoria发表声明表达感想：「很荣幸从剑桥公爵手上领过官佐勋章。很开心与我的父母及丈夫分享这特别的时刻。没有他们的爱及支持，这一切都不可能。」

Victoria获威廉王子颁发官佐勋章荣誉，表扬佢喺时装界嘅贡献。

英国王室颁发官佐勋章畀Victoria嘅决定，令唔少网民不满，纷纷于王室官方Twitter留言质问，有网民话英国有好多人值得表扬，例如拯救生命嘅医生及护士，批评英国王室颁勋章畀Victoria係个笑话。不过，亦有人留言话Victoria多年嚟都有喺联合国做善事，帮助儿童及妇女。早前，碧咸被爆做善事係为咗封爵，所以今次Victoria获颁勋章时，佢冇现身合照，疑似惊丑闻影响老婆。

网民于英国王室官方Twitter留言，质问Victoria凭乜嘢获颁勛章？