日前，係英国「万人迷」碧咸（David Beckham）42岁生日，老婆Victoria同仔女都第一时间喺社交网站留言，祝呢个好老公同「廿四孝老窦」生日快乐。三名儿子Brooklyn、Romeo同Cruz都各自上载照片，其中Romeo就公开一张揽住老窦嘅相，见到碧咸半裸上身背住镜头，露出写上儿子名字嘅纹身，Romeo发文话：「最好最有型的爸爸生日快乐！希望你过得最开心！好爱你。」

碧咸获老婆及仔女预备礼物同蛋糕，庆祝42岁生日。

虽然早前电邮洩密风波令碧咸形象受损，但无损佢同老婆及仔女开心过生日。事后，碧咸于Instagram贴出生日派对中同仔女嘅合照，其中爱女哈七（HarperSeven）好Sweet咁揽住爸爸，场面非常温馨。碧咸留言表示：「今天爸爸收到好多爱！」至于Victoria就上载咗同女儿哈七互派飞吻嘅相，佢话：「两个你最喜欢的女孩祝你生日快乐！我们好爱你！」

碧咸同四名仔女感情十分要好，係出名「廿四孝老窦」。