喺今年年初诞下「小海绵」后，Angelababy就休养咗三个月先正式复工。由于Baby陀B时身形纤瘦，因此有传佢係「假怀孕」，实际上係搵代母生B！噚日，黄晓明就首次分享同老婆Baby一齐影嘅大肚相，佢仲大讚Baby生B係非常伟大嘅行为，力证Baby係「真怀孕」！有网民就大讚两人温馨，提醒黄晓明要好好庆祝下个月嘅母亲节。

黄晓明将额头轻轻靠喺老婆肚上，超有父爱。

喺黄晓明公开嘅相中，两公婆齐齐着白色恤衫，Baby就解开钮扣露出大肚，黄晓明扶住老婆肚皮，充满爱意望实对方。而另一张相係黄晓明将额头轻轻靠喺老婆肚上，超有父爱。黄晓明留言：「没别的，就是觉得当妈妈太不容易了！全世界的妈妈都是最伟大的，我爱妈妈。」黄晓明突然公开大肚写真，唔少网民认为佢係心痛Baby被指假怀孕，所以贴相闢谣。