为配合电影上映，《春娇救志明》即将推出电影原声大碟，当中杨千嬅将会翻唱陈百强的〈当我想起你〉。而近年已经甚少唱歌的余文乐，亦被游说开金口，唱出当中的四句歌词。讲到今次合作，余文乐笑言：「其实我係听闻千嬅想搵个model代替我，咁我谂下应该冇边个model可以代替到我，咁我惟有自己做返，佢又悭返啲钱。」

余文乐坦言对录音室有恐惧癥，但为了千嬅只好豁出去。相反，余文乐亦对千嬅作出了一个要求，他说：「你将来如果喺红馆开演唱会，可唔可以搵我做嘉宾？由台底升上台面，我咁大个仔都未试过，不过我升完就走，唔好叫我表演，纯粹过瘾啫！」千嬅就话：「咁几尴尬喎！升完上嚟又落返去，开埠以嚟冇人做过呢件事！」

余文乐笑言对录音室有恐惧癥。

讚余文乐唱歌好听

其实千嬅早已为〈当我想起你〉完成录音，但她觉得好像欠了些甚么，所以才找来余文乐唱几句，更叫余文乐相信她的音乐直觉。余文乐笑说：「我梗係唔敢怀疑佢，你睇我嘅音乐成就係零就知啦！」不过，千嬅亦大讚余文乐唱歌好听：「我同佢唱过K，真心唱得好嘅！如果唱得难听我会讲！」

重演游说过程

接着，两人重演「千嬅游说余文乐唱歌」的过程，千嬅说：「我首歌本来係搵其他人唱，但係我觉得把声好似你唱会好啲。」余文乐就答：「好啦！好啦！我唱啦！」千嬅就再进一步说：「咁MV个样如果唔係你，又好似唔係咁好？」所以余文乐只好无奈答应演出。