官恩娜（Ella）喺2015年下嫁畀外籍老公Juan，之后诞下儿子Gabriel后，就全面停工专心凑仔。而家Gabriel已经18个月大，肥嘟嘟之余又精灵可爱。虽然官恩娜一直都好用心做贤妻良母，但佢就从来冇忘记过自己係歌手呢个身份。近日，官恩娜带埋Gabriel去外游时， 忽发奇想喺街头卖唱，之后再影相放上网！

官恩娜诞下儿子Gabriel后，全面停工专心凑仔。

戴住黑超着起T恤短裤嘅官恩娜，拎起结他自弹自唱，可惜Gabriel太细个，未识欣赏， 只见到佢喺BB车内熟睡。至于官恩娜旁边就放咗一个结他盒， 盒中嘅牌写上「Support LocalArtist（支持本地歌手）」。其后，官恩娜喺社交网站贴相，留言指Gabriel瞓足全程。早前，与官恩娜同公司嘅卫兰，就爆响口话喺录音室见过官恩娜，相信对方好快推出新歌。唔知官恩娜係咪已经技痒，所以拣喺街头练歌準备复出呢？

戴住黑超着起T恤短裤嘅官恩娜，忽发奇想喺街头卖唱。