日前，天王郭富城（城城）同老婆方媛婚后首度公开放闪，两人以夫妻Look现身商场，一直盛传怀孕嘅方媛好似小鸟依人咁，全程甜笑绕实老公，城城则Man爆放慢脚步护妻。两人行咗大约两个钟头，总共扫咗三大袋战利品，行到去商场门口，有男粉丝上前要求合照，城城都大方答应。问到同老婆买咗咩战利品？城城话：「同老婆一齐拣礼物畀妈妈。」

郭富城同方媛婚后高调放闪，两人手拖手现身商场。

近日，方媛亲自落厨炮製三餸一汤，并以报纸当枱布，被网民称讚贴地又悭家。问城城喺母亲节当日方媛有冇落厨煮两味？佢话：「无喇，之前先同老婆撑完枱脚，我哋出去食饭，唔想煮，妈妈年纪大。」讲到母亲节难得放假，城城话多谢新戏剧组放人，待佢可以由内地返港，有时间同家人食饭。问城城係未好快「升呢」做爸爸？佢就依然封口：「未讲得住。」

郭富城继续封口避谈方媛係咪怀孕嘅话题。