现年31岁嘅王君馨，凭TVB剧集《城寨英雄》中「花曼」一角成功上位。去年11月，佢同长跑11年嘅圈外男友Daniel秘密入纸排期结婚，两人将于今年7月11日喺美国举行婚礼。早前，王君馨同Daniel前往意大利佛罗伦斯同匈牙利首都布达佩斯拍摄婚纱照。噚日，王君馨喺Instagram率先曝光一辑婚纱照，相中佢着住西装褛款式嘅婚纱，型格之余，更大方晒出四吋事业线，非常性感。

王君馨大方晒出四吋事业线，非常性感。

王君馨透露西装褛款婚纱係由Marco M Chan设计， 但自己都有份畀意见，佢话﹕「咁多件入面，剩係得呢件西装褛将来可以着返。」问到Daniel 有冇投诉太性感？王君馨话：「喺欧洲影相会性感少少， 因为地方好华丽，啲衫同埋相影出嚟嘅感觉都比较Fashion。平时行嚟行去都有颈巾包住，影相先除颈巾。佢觉得我好靓，尤其係冇化妆嘅时候。」

王君馨同Daniel前往意大利拍摄婚纱照。