日前，导演彭浩翔同杨千嬅一齐出席电影《春娇救志明》庆功宴，庆祝票房突破3,000万。虽然电影票房报捷，但彭浩翔表明唔会开拍第四集，佢搞笑话：「有计划开拍电视剧，会讲怪兽食咗个小女孩，余文乐做只怪兽，七日内食唔到小女孩就变怪物。」杨千嬅听闻即自荐要做小女孩，但就被彭浩翔嫌佢老：「你不是小女孩。」

虽然电影票房报捷，但彭浩翔表明唔会开拍第四集。

讲到余文乐喺社交网站贴出阳光与海滩嘅相，疑似去玩唔出席庆功宴，杨千嬅解释乐仔係拍摄广告：「佢人唔到冇所谓，之前赌票房佢输咗，要拎10,000蚊出嚟请食饭。」日前，薛家燕公开叫杨千嬅让出年尾红馆档期，畀佢老人家举行演唱会。对此，杨千嬅话：「唔好咁讲，我知公司有申请，但目前仍未有消息，我都冇要咁多日，唔贪心，应该会有空档，大家可以摊分一起做。」

杨千嬅话自己唔贪心，会同薛家燕分摊场地开唱。