王浩信在TVB人气剧集《不懂撒娇的女人》中，饰演深情专一嘅「Saving」一角，因而令他人气急升，获网民封为「暖男」。除咗凭剧集带挈身价攀升，王浩信更成为下届视帝大热，而佢嘅事业亦攀上高峰，拍剧再加宣传忙到冇停手，结果导致同老婆陈自瑶（YoYo）及女儿相处嘅时间少之又少。噚日，有报道话YoYo向友人狂呻，话老公少咗返屋企瞓，就算有时唔使开工都唔见人。

王浩信同陈自瑶于2011年结婚，两人育有一名女儿。

近日，王浩信出席《不懂撒娇的女人》大结局宣传活动后，亦冇返屋企争取时间同老婆见面。据了解，两公婆喺教女一事上一直有分歧，更有指YoYo同奶奶关係麻麻，所以好少带女儿返男家。老公又长期唔喺身边，所有事YoYo要一个人顶晒，搞到两人感情亮红灯。对此，王浩信否认：「冇事，只係近排太忙，少咗时间返屋企，多谢关心」。

王浩信凭剧集带挈身价攀升，更成为下届视帝大热。