现年33岁嘅香港男歌手陈柏宇，同31岁模特儿女友符晓薇拍拖五年，感情稳定，并曾屡次传出婚讯。早前，陈柏宇带女友返加拿大见家长，并宣布将于今年7月2日，两人拍拖纪念日当天， 筵开38席拉埋天窗。日前，有消息话陈柏宇同符晓薇已低调入纸排期注册。喺结婚通知书上，陈柏宇用回原名「陈广伟」，而符晓薇嘅职业係文员，至于地址栏两人报称住同一单位。

陈柏宇将于今年7月2日，喺拍拖纪念日迎娶女友。

消息传出后，有香港媒体致电恭喜符晓薇，佢兴奋话：「多谢，之前唔知结婚前原来要请律师，7月2日当场签纸要递纸申请结婚，而家先知，好在赶得切去递纸，我哋两个都唔清楚流程。」符晓薇话酒席已由32围增至38围，问到请咗边啲圈中好友？佢话：「我知佢（陈柏宇）有请江若琳，姐妹团就有少女标本嘅许雅婷，兄弟团就冇娱乐圈嘅人。」

陈柏宇同符晓薇拍拖五年，曾屡次传出婚讯。