锺欣潼喺2009年拍摄名为《0.7%的盐》嘅落泪影像，早前喺北京进行拍卖，引嚟外界热烈关注，最终作品以30万元人民币成交。该作品分为八个版本，拍卖嘅作品则为第四个版本。虽然每个版本嘅价格可能唔同，但按照每版30万元估算，整套作品总价值超过240万元（约澳门币280万元）。该影像长八分钟左右，片中见到阿娇嘅近镜，由微笑变成落泪，非常凄美。

锺欣潼喺2009年拍摄嘅落泪影像，拍得280万元。

日前，Twins出席新戏《原谅他77次》分享会， 讲到《0.7%的盐》影像卖到280万时， 阿娇笑言：「我唔知呢件事嘅？我有冇得分.？」当知道拍卖得益用于做善事，阿娇坦言係好事：「我已经尽咗能力去演，每个人喊嘅方法都唔一样。」问到拍摄时有冇谂啲乜嘢帮助入戏？阿娇话：「冇呀！谂嘢仲难喊。」阿Sa听到后亦帮口：「佢係专业演员嚟.嘛。」

锺欣潼唔知落泪影像拍卖嘅事，佢话已尽力去演。