现年31岁嘅王君馨，去年同拍拖11年嘅圈外男友Daniel低调注册结婚。日前，两人喺美国一间教堂举行婚礼，除咗双方父母及美国亲友，王君馨仲请咗「处女党」成员锺嘉欣、李亚男担任伴娘，而好友裕美同卫兰都专程飞去当地参加婚礼。而喺婚礼上，王君馨穿上一袭透视短裙婚纱，轻露事业线，高贵优雅；而一班姊妹则穿上不同款色嘅灰色晚装裙，配衬银色颈链，各具特色。

完成婚礼后，王君馨将于下月喺香港补摆喜酒。

王君馨一直希望低调举行婚礼，所以保密功夫做得好足，圈中只有几位好姊妺知情。完成婚礼后，一对新人将于下月11日，喺香港补摆喜酒，到时会广邀圈中好友大肆庆祝。王君馨坚持于美国行礼，係因为佢同Daniel当年喺纽约一间Cafe相遇。王君馨曾于访问中表示：「我当时喺Cafe做侍应， 第一次见到Daniel。佢后来有同我讲，话其实当时好紧张，唔敢同我讲嘢。」

王君馨同男友喺美国教堂低调举行婚礼。