美国22岁大学生瓦姆比尔，于2015年喺朝鲜旅游期间，疑偷政治标语被捕，被判「颠覆国家」罪成，要劳改15年。虽然上周已获释，但已变成植物人，并于周一离世，消息震惊全球。曾于朝鲜拍摄旅游节目嘅主持人洪永城，得知瓦姆比尔离世嘅消息，于Facebook发文忆述喺当地工作期间，因携带关于最高领导人金正恩嘅禁书入境，搞到差啲被拘留，直呼非常幸运。

洪永城因携带关于金正恩嘅禁书入境，搞到差啲被拘留。

洪永城曾于2015年前往朝鲜拍摄旅游节目《在那遥远的地方》，佢话当时入境时犯咗个低级嘅错误，携带咗一本喺香港买嘅朝鲜书籍，搞到差啲被拘留。好彩最后只需签悔过书，承认无意威胁金正恩嘅政权，先冇被拘留。洪永城话自己非常幸运，并提醒想去朝鲜旅行嘅网民：「你哋下次去朝鲜，千祈唔好带有关朝鲜嘅书，同埋Delete晒电话入边金正恩嘅图片。」

瓦姆比尔喺朝鲜被囚禁超过15个月，上周获释回国后逝世。