英国喺近两个多月内，第三次受到恐怖袭击，情况令人担心。张智霖（Chilam）同老婆袁咏仪（靓靓）、仔仔张慕童（魔童），近日刚好去到英国威尔斯千禧球场睇皇马对祖云达斯嘅欧联决赛。噚日，张智霖就喺facebook报平安， 佢留言话：

张智霖得知发生恐怖袭击，希望所有人都平安。

「很精彩的比赛，皇马及祖云达斯都拼尽全力，谢谢你们！可同时又在新闻中得知伦敦桥有人受伤，希望所有人都平安。」喺恐怖袭击发生前一日，张智霖一家三口先喺伦敦玩facebook直播食早餐，而仔仔魔童就不断同网民say hello。魔童用英文问网民支持边一位球星？搞到袁咏仪一副严母样讲：「你可唔可以试吓讲中文呢？」张智霖就即时帮口：「我负责讲中文，仔仔就负责讲英文。」搞到袁咏仪话：「成日帮住个仔！」至于魔童就一于少理，继续问网民有乜嘢问题要问佢，好似接受紧访问咁。