今年31岁嘅王君馨，同圈外男友Daniel喺美国纽约举行婚礼，好姊妹锺嘉欣、李亚男、卫兰同裕美等专登飞去当地见证喜悦。忙完婚礼后，王君馨兴奋同大家报喜，佢话当日冇大妗姐，锺嘉欣即自荐做大妗姐。而一班姊妹亦十分有心，特别作咗首Rap歌，即场唱出祝贺新人，王君馨话：「佢哋好Sweet，準备咗Sweet嘅词畀我同我老公仔，我哋都好感动。」

王君馨喺美国完成婚礼后，将于下月11日喺香港补摆喜酒。

婚礼过程十分温馨同感动，王君馨话好多嘉宾都感动到喊：「非常开心，一朝早起身，啲姊妹帮我着褂，都有斟茶畀我哋嘅父母，总之成件事非常开心同感动。」喺美国完成婚礼后，王君馨将于下月11日喺香港补摆喜酒。原来「11」呢个数字对王君馨别具意义，佢话：「我同老公相识11年11个月，我係章太喇。下个月11 日见喇，我好幸福！」

好姊妹锺嘉欣、李亚男、卫兰同裕美等专登飞去当地见证喜悦。