古天乐（古仔）近年嘅电影产量肯定冠绝影坛，继早前上映嘅《毒．诫》后，古仔主演嘅《喵星人》亦将于下月暑期档期间上映。不过，最令人期待嘅係由邱礼涛执导嘅阴阳路系列《常在你左右》，同埋将于今年年底开拍嘅《寻秦记》电影版。计计埋埋，古仔有成十套戏排住队嚟紧，以1,500万片酬嚟计，今年佢单係拍戏就已经有1.5亿收入。

古天乐近年电影产量冠绝影坛，赚超过一亿片酬。

古仔主演嘅搞笑新戏《喵星人》，讲述侵略地球嘅肥嘟嘟喵星人「犀犀利」同古仔一家四口所发生嘅搞笑事。呢只肥猫意外喺网上曝光后爆红，并带挈古仔一家拍摄以《夺宝奇猫》为题嘅广告。喺广告中，古仔一家同「犀犀利」畀大批丧尸狂追，古仔带住仔女逃命时，漏低咗老婆，搞到佢畀丧尸袭击，而饰演丧尸嘅演员非常入戏，吓到古仔老婆不停叫救命，最后导演嗌Cut先叫停到一班丧尸。

古天乐主演嘅搞笑新戏，将于下月暑期档上映。