日前，欧阳震华（Bobby）出席公开活动， 谈及两大视帝郭晋安和陈豪离开TVB 外闯，Bobby以过来人身分表示理解，坦言未离开过的人都会有想出去的心，没有出过去就不知甚么是不好。Bobby透露自己当年出走收入比TVB多三倍，自爆赚到笑：「当年日日对住份粮好开心，但我始终较锺意喺TVB工作，呢到嘅人情味係其他地方比唔上嘅。」

欧阳震华认为好多艺人未离开过TVB，都会好想出去睇下。

在活动上，Bobby现场大啖试食鲍鱼，提到私下对食物是否高要求？他表示：「都唔係嘅，我食嘢无分贵贱，最重要係锺意。今次帮朋友做代言，因为呢个真係好方便，以前食鲍鱼好劳师动众咁，呢个我睇波就开嚟食。」问到这次做代言人收友情价？ Bobby笑言：「接近天价，老友嘅嘢，个品牌名我都有份谂。（送股份畀你？）唔话你知，我哋唔讲呢啲，友谊第一。」

欧阳震华出席公开活动，现场大啖试食鲍鱼。

以过来人身分理解

对于有指郭晋安和TVB转签部头合约，改签王祖蓝做经理人，陈豪亦有意离巢北上赚人仔养家。Bobby认为好多艺人未离开过TVB，都会好想出去看下，他以过来人身分表示理解：「佢未走过吖嘛！有好多人未出去过就会想出去睇下。我拍完《壹号皇庭II 》之后，我都出咗去十个月，拍下电视电影、客串电影，同埋去马来西亚拍处境剧，之后《壹号皇庭》系列再开拍，我先再返TVB。」

陈豪否认离巢，透露距离续约仍有一段时间。

陈豪望有不同发展机会，想尝试拍内地剧或合拍剧。

欧阳震华坦言喜欢在TVB工作，人情味其他地方比不上。

外闯收入多三倍

Bobby坦言人的本性好奇，出去看看也未必是坏事。问到外闯那十个月的人工是否等如在TVB一年收入的三倍？他自爆赚到笑：「呢样唔使讲，唔止.喇，我当年喺TVB得万几蚊。（一共赚咗几多？）我冇计，见到啲人工好开心，唔出去睇唔知乜係好，乜係冇咁好。出去十个月拍咗电视剧、电影，我喺TVB，啲人唔係唔想搵你，但係手续好繁複，要花好多时间倾条件。」

欧阳震华自爆当年外闯收入比TVB多三倍。

撑陈豪「有毛有翼」

问到陈豪离巢有否问他意见？ Bobby笑称对方有毛有翼，不用问他：「你估我好熟出面咩，使乜问我意见，佢未试过就亲身体验下，冇人敢虾佢。因为我哋出到去真係好专业，做样样嘢都好，同内地拍广告、电视剧都好，片场个个拍手掌。我係乜都得，叫我做乜反应都做到。」至于为何返去TVB ？ Bobby坦言是因为人情味：「喺TVB由外围打招呼打到化妆间，以前科技冇咁先进，大家有个交流，而家个个拎住电话，唔需要朋友，所以科技带嚟冷漠。」

欧阳震华笑称陈豪有毛有翼，是否离巢不用问他。

望有唔同发展机会

日前，陈豪出席公开活动时，亦被问到和TVB解约，北上拍内地剧赚人仔一事。对此，陈豪否认离巢，他透露距离续约仍有一段时间，但差不多时候倾续约。谈到续约条件，陈豪认为最重要是开心。问到是否有意北上发展？他表示：「从演员角度，当然希望有唔同嘅发展机会，拍咗TVB剧好多年，都想尝试拍内地剧或合拍剧。（话你嫌公司人工低？）我冇讲过，我对人工满意。而家咩情况未知，要倾。」

欧阳震华和陈豪在《夸世代》中的表现，获网民一致激讚。