梁朝伟（伟仔）主演的新戏《捉妖记2》，落实于今年农曆大年初一上映。日前，他以一头铲青新髮型现身闹市，出席新戏宣传活动，不单吸引大批市民围观拍照，艺人庄思敏、郭思琳及赵哲妤等后辈粉丝亦专程到场。伟仔在片中饰演电眼赌徒，问到有何发横财秘笈？他笑言：「我新年都会同普通市民一样打麻雀同玩啤牌，但不论轮赢我玩几分钟就走，呢个就係秘诀。」

梁朝伟主演的《捉妖记2》，落实于农曆大年初一上映。

继2002年《天下无双》后，伟仔这次相隔15年再演古装喜剧。对于首度挑战CG特效，伟仔表示是从影以来遭遇的最大挑战：「戏入面同胡巴有大量对手戏，而佢嘅形象又需要后期製作合成，拍摄过程中大部分时间只能对着空气演，无实物演出真係好头疼。」他透露今次饰演一名十赌九输的赌徒：「由人间到妖界都有债主，所以每次赌钱都会化不同嘅妆，否则就会被追债。」

梁朝伟在片中饰演一名十赌九输的赌徒。

为了逃避赌债，梁朝伟在戏中的造型百变。

对于首度挑战CG特效，梁朝伟表示是从影以来遭遇的最大挑战。

铲青方便打理

近年甚少到闹市出席宣传活动的伟仔，表示对上一次出席户外举行的活动，是为《无间道》作宣传。问到日后可会多些于户外露面？他笑说：「希望啦，平时冇嘢做都好少出嚟。」剪了一头铲青新髮型的伟仔，笑指全因方便打理及运动：「我锺意滑水、滑雪，好怕中间停低食嘢要除帽，搞到头髮扁晒，咁撞到啲人叫影相，影好定唔影好呢？好似瞓完觉咁款。」

甚少到闹市出席宣传活动的梁朝伟，为新戏作户外宣传。

留港过农曆新年

伟仔表示刚刚从北海道滑雪返港，太太刘嘉玲忙于工作，因此这次未有同行。他透露今年农曆新年会留港度过，之后和老婆一起再出发滑雪：「好耐冇喺香港过年，年年去咗滑雪，咁妈咪又去唔到雪地，惊佢跣亲，所以今年就过完年先再去，我今次都只係滑咗少少咋！（情人节都喺香港？）应该都会，但就冇特别準备礼物，唔使喇呢啲。」

梁朝伟表示刚从北海道滑雪返港，农曆新年会留在家中度过。

梁朝伟透露过完农曆新年之后，会和刘嘉玲一起去滑雪。

为奥斯卡做评审

问伟仔可有留意刘嘉玲监製兼主演的新戏《以青春的名义》？他表示还未有时间捧场欣赏，皆因与老婆要参与奥斯卡「金像奖」颁奖礼做评审投票：「大会寄咗六、七十套戏畀我睇，有啲戏我又想喺大戏院睇，而家睇咗几套，但我一日最多睇三套。（ 嘉玲睇晒啲戏未？）佢肯定未睇，咁忙。」

梁朝伟还未有时间欣赏老婆刘嘉玲监製兼主演的新戏。

力撑刘嘉玲新戏

对于今年贺岁档电影将与刘嘉玲打对台，伟仔指印象中似是第一次：「我都好耐冇拍贺岁片，不过我都会去睇佢监製嗰套戏嘅。（嘉玲话男主角吴肇轩好似你！）似我冇用啦！不过我未见过，只知佢係新人，我主要係睇佢拍成点。」谈及刘嘉玲另一套新戏将于情人节首映，伟仔笑言：「佢邀请我就去睇首映啦！」

梁朝伟主演的《捉妖记2》，落实于农曆大年初一上映。