谢霆锋爸爸谢贤（四哥），2015年和曾江拍摄旅游节目《4个小生去旅行》积怨，最终令到四哥在记者会上当众怒掴曾江，事件震惊全城。事隔多年，四哥日前出席公开活动时重提此事，他自言和曾江一直都好老友，大爆当年怒掴一事是大家夹定做戏搏宣传，大叹事后被摆上枱，被公众指摘受尽委屈好阴功。 （文：植筱诗）

恢复单身后，谢贤直言生活孤独好枯燥。

日前，四哥现身香港尖沙嘴出席活动，他心情大靓，遇上记者滔滔不绝，大讚霆锋深得自己真传，烹饪了得，并笑言：「佢连记者都抢埋我，我冇得捞，啲记者都唔理我，好嬲佢.。」问到霆锋是否有买楼孝敬他？四哥说：「买嚟做乜？佢都费事我搬嚟搬去，将来都係佢.啦。」

谢贤大讚儿子谢霆锋深得自己真传，烹饪手艺了得。

自爆孤独冇拖拍

早前，有报道指81岁的四哥和小他49岁的内地女友CoCo已经分手。对此，四哥直认单身，并指孤独生活好枯燥，幸好之前霆锋有找他拍节目：「真係好闷，起身就望住个海，早餐食饭都係一个人，好枯燥。有嘢搵我做就开心啲，因为真係好似坐监咁，而家《12道锋味》都有搵我出下镜，搵返两个钱自己使，係咪都有啲嘢做下，一条『冷』，屋企又大。」

谢贤直认和年轻49年的内地女友CoCo已分手。

不过问霆锋感情事

被问到「未来新抱」王菲是否有来探他？四哥表示：「探都係探个仔啦，做乜嚟探我？」。他直言，不会过问霆锋的感情状况，自己拍拖亦不会向所有人交代。他又透露不介意再拍旅游节目，问他会否慎选合作对手，不会再和有积怨的曾江合作？四哥闻言突然大爆内幕：「黐线嘅！我哋而家唔知几Friend，当时其实係做戏！」

请曾江食雪糕赔罪

记者闻言大讚四人真好戏，四哥亦讚同：「真到不得了！」讲到当时修哥被打甩眼镜，他笑谓：「佢自己做.嘛，佢用手指揿住个眼镜，佢好好戏，係老戏骨，好戏过我哋好多。」问四哥事后是否有请曾江食饭赔罪？他说：「打完之后即刻请佢食雪糕，等佢冻番。做电影出尽办法宣传，几衰呀，係我谢老四先咁蠢。」他又爆出手的本来是修哥，但由于他讲话口窒窒，所以自己才顶上。

谢贤当年当众怒掴曾江，事件震惊全城。

攞完彩事后无瘾

四哥于2015年，与曾江、胡枫（修哥）及Joe Junior齐齐宣传TVB旅游节目《4个小生去旅行》的记者会，四哥疑于拍摄期间与曾江有积怨，竟然当众出手怒掴曾江！ 修哥劝交时被打飞眼镜，场面一片混乱。四哥突然大爆当时只係做戏，「怒掴」一幕是他们四人一齐商量搞噱头宣传，最后就决定由四哥「出手」！四哥笑言打完一巴攞晒风头，不过事后个个都指摘他，令他一直感到好无瘾、好阴功！

谢贤爆当年「怒掴」事件是四人夹定搞噱头。