马国明否认他与女友黄心颖在澳洲秘婚的传闻。

罗霖昨晚启程赴以色列旅行，将逗留12日。

马国明（马明）昨日与罗霖为火锅店开张做剪綵嘉宾，马明也表示有兴趣投资做生意，明白演员不可做一世，但暂时未有具体计划。被问到有传他与女友黄心颖计划秘密结婚，刚被踢爆去澳洲参加心颖三家姐婚礼的马明即时否认，又指结婚是光明正大的事。（文：游子欣　图：相关机构）

马国明与罗霖为火锅店做剪綵嘉宾，两人皆透露有兴趣投资生意。

马明早前被踢爆在澳洲出席黄心颖三家姐婚礼，与女友逛街时又帮女友拎手袋，与女友家人合照就如一家人。马明解释道：「其实世界好细，心颖三家姐係我侄女朋友，而我侄女即将生BB，飞唔到过去，我过去做埋代表。」对于心颖透露希望让爸爸快点见到她结婚，马明回应：「佢冇同我讲过喎，佢话唔想咁快，我感觉佢都想喺事业再冲下先，係我感觉，佢冇讲。」

结婚一定光明正大

对于两人是否已经在澳洲秘密结婚？马明表示：「我一定唔会，结婚係光明正大嘅事，点解要咁秘密？相信如果有一日我结婚嘅话，会同大家讲，唔会几年后先畀你哋知道，可能有啲人有隐衷，但我冇。」

有计划投资生意

马明又透露有兴趣投资生意：「我喺公司做咗咁多年都识啲朋友，有人搞饮食、时装、酒吧同补习社，演员唔可以做一世，有机会都要向佢哋偷下师，但未谂到做乜，储下钱先算。」