四年一度的球坛盛事世界盃进行得如火如荼，不少艺人都十分关注赛事，杜汶泽扬言赌到「输身家」， 但都不及梁汉文（梁炳）撼穿头爆缸阴功猪！身为足球发烧友的梁炳，日前相约朋友到卡拉OK睇波，在中场休息唱K期间跣脚头撞檯角，当场流血不止，即时入院。 （文：植筱诗）

梁汉文睇波期间撼穿头，伤口七吋长深至见骨。

阿根廷球迷杜汶泽则扬言赌到「输身家」，在荷包上重伤。

梁炳前日凌晨于Instagram贴出一张住院的照片，相中他额头贴住大大块纱布，并发文表示：「心血来潮打畀我兄弟，佢咁啱喺卡拉OK，当时我的感觉直情係缘分到了，可以一齐睇波、点知意外就係意外，冇得解释，竟然可以一边唱住人哋想我唱嘅〈一世一次恋爱〉、个头直接撞落枱（檯）角，流血不止。」经过一轮讨论后，他指翌日要做一个大手术，令粉丝十分担心。

梁汉文贴住大大块纱布的照片，向粉丝交代事发经过。

挂住唱K跣脚

梁炳指今次撼爆头实属无妄之灾，他表示：「出去睇波，到半场时，朋友想我唱首歌听，唱咗几句，原来前边有一级，咁就仆咗埋去，照咗脑无乜事，但今朝要做手术。」问到为何要做大手术？他解释：「因为个伤口好深，唔係话撼一撼，喺个额头度都有好几吋，详细唔识形容，等医生搞。」

梁汉文透露月中会按原定计划，去俄罗斯睇世界盃。

笑言鸿运当头

完成手术后，梁炳向媒体交代伤势，他透露缝了37针，伤口7吋长，深至见骨：「要做嘅嘢都做晒，要等伤口复原，而家等埋单同出去食嘢，都好肚饿。多谢大家关心。」问到会否觉得运滞？他笑言：「呢啲叫鸿运当头！啱啱出院，鬼打无咁精神，照旧顶头鎚都得，13号会照飞去俄罗斯睇世界盃。」

梁汉文指医生为了令伤口癒合后更美观，一共缝了37针。