郑秀文心痛刘德华患病失声，希望他好好休息。

演唱会不得已腰斩，刘德华在台上痛哭。

日前，郑秀文（Sammi）于香港将军澳出席倒数活动。对于刘德华（华仔）因为喉咙发炎而取消三场演唱会，其后再宣布因确诊流感，再取消之后四场，合共七场演唱会腰斩。Sammi祝福好友华仔早日康复，希望他好好休息：「我之前开骚都试过失声，不过华仔今次唔单止失声，重有流感，旧年安仔都试过流感入院，嗰次佢係持续发高烧，真係好辛苦。」

在华仔首度宣布取消演唱会时，Sammi都有和他身边朋友联络问候，她表示：「作为观众，衷心希望华仔可以快啲好番，睇到佢喊真係好肉赤，我好明白佢嘅感受，喺台上嗰种无力感，而且亦好内疚，觉得自己有心无力，係心痛。」Sammi指华仔今次的流感来得很突然，和老公许志安之前情况一样，大病好难估计，希望他可以静心休息，早日康复。

讲到新年愿望，Sammi最希望是身体健康：「有健康先可以做到好多嘢，所以健康係无价宝。」虽然近日天气寒冷，不过Sammi仍然坚持做运动：「寒冷係阻挡唔到我嘅意志同毅力，其实着够衫就冇问题，当然都会小心自己嘅身体，今年安排咗好多工作要做。」问到演唱会的筹备情况，她说：「好紧张卖飞嘅机制，实名制唔係简单嘅事，会衍生好多问题，所以同公司倾紧，睇吓有乜嘢方案，大家都好头痛。」