挺着六个月大肚子的岑丽香昨日与陈家乐出席香港钻石山荷里活广场的「柳井金鱼春日祭」揭幕仪式，香香穿起露膊红裙衬4吋高踭鞋，大家都替这个準妈妈牙烟，她则笑说：「着过好多次高踭，粗踭安全啲。」两人又透露已经开始为过新年作準备。

强强BB唔怕病

香香指近日天气忽冷忽热，自己有点作病，但老公强强已回加拿大工作，稍后会赶返香港陪她过年。香香被问到有病要食药怕不怕影响到BB，她回应：「冇事嘅，BB成日好强咁踢，强过我好多，真係一个『强强BB』。」

年初一要着红底

陈家乐则自爆家中传统要在新年时着红色底裤，又笑爸爸迷信：「大年初一要着红色底裤，因为我阿爸好迷信，唔知係咪年龄渐长，好沉迷人哋讲嘅嘢，平时我屋企唔摆桃花，上年开始摆，我又有啲好成绩，佢就认为係桃花，所以今年又要再买，红色底裤、初一唔洗头，都係阿爸叫我做。」家乐指屋企正在装修，自己到内地拍戏要年卅晚才返港，爸爸则希望过年前全家搬回装修好的旧屋，所以他正在找朋友帮忙替他搬屋。

（岑丽香与陈家乐出席活动，提早向大家拜年。）