蔡卓妍表示暂时未有结婚计划，更自爆準备雪卵。

蔡卓妍两位姊妹祖儿和阿娇都先后雪卵，她亦已开始食补给品。

蔡卓妍和一众艺人出席放水灯活动，她愿望是身体健康和日日开心。

谈及「造人」计划，周励淇表示会顺其自然，但大呼好大压力。

蔡卓妍和周励淇一向好姊妹，出活动都一齐。

昨日，蔡卓妍（阿Sa）和好姊妹周励淇（Niki）一齐出席香港举行的「洪圣传统文化节」活动，并进行许愿放水灯祈福，阿Sa透露愿望是身体健康、日日开心；而Niki则希望身体健康及平安大吉。讲到有传阿Sa今年结婚，她表示暂时未有打算，更自爆準备雪卵：「食咗补给品几个月，之后要持续十日打荷尔蒙针，打完会肥，到时真係要闭关。」 （文：植筱诗）

有传阿Sa年底与拍拖两年的「富三代」男友石恆聪结婚，她则在活动上否认：「冇咁嘅事，暂时未有计划，我都唔急结婚，係其他人急，日日都催，真係吹涨。」问到是否要夺影后才肯结婚？阿Sa显得非常无奈地说：「结婚同奖项唔係自己控制到，所以唔好谂，结婚唔係一件儿嬉事，好慎重，去到嗰个时刻就係。」她亦拒绝玩即兴：「两人相处要好充足，婚后係另一种生活。」

怕雪完卵肥肿难分

阿Sa亦表示未準备好生小朋友，对于「龙虎豹」两位姊妹容祖儿和锺欣潼都先后雪卵，阿Sa自爆一早就有计划雪卵：「已经食咗补给品几个月，食完先可以做，之后要持续十日打荷尔蒙针，打完会肥，要肯定自己唔出嚟见人先得，要做大量运动，所以而家日日都做Gym。」问到何时会正式实行，阿Sa坦言暂时未有时间：「到时真係要闭关，我係肥底，惊到时肥肿难分，大家应承我肥咗唔好话我肥，我有自知之明会减。」

指雪卵非常普遍

问到此举是否获男友石恆聪及家人同意？阿Sa说：「佢OK。」她坦言有这个打算时反而是告知妈妈先：「只要妈咪OK，任何人讲乜我都会去做，因为我係来自我妈咪。但最担心係要自己打针，吓死人咩？所以要好得闲先得，到时会日日搵医生打针。」阿Sa表示身边好多朋友都有雪卵：「好普遍，香港未结婚可以做，但生小朋友就一定要结婚先，咁样件事好啲，对小朋友同家庭健全啲，但都因人而异。」

提「造人」压力大

新婚不久的Niki听完亦为阿Sa发声：「佢好惨，成日畀人逼婚。」阿Sa指Niki结婚前都有问她意见，通常处理别人的问题会比较理智。Niki同时分享婚后心态，她表示：「冇乜特别，或者未有小朋友，好似拍拖感觉，佢开心就得啦，大个女仲叻过我。」谈及「造人」计划，Niki表示会顺其自然，但大呼劲大压力：「个个都问我，一阵又话我着鬆身衫係咪有咗，真係未咁快。